Kêng măng 18/5, ta ntŭk kan Chính phủ, Thủ tướng Lê Minh Hưng hŏ vơt Kruanh n’gâng kan nchră nau ndrel ăp nau kan Châu Âu nau Croatia Gordan Grlíc Radman dôl khâl ndrel pah kan ta Việt Nam. Tâm nar vơt, Thủ tướng lah rjăp Việt Nam uănh khlay nau tâm boh vay ơm đah Croatia ndrel rnê prêh ăp nhoat hun hao ueh tâm nau tâm boh bar ding tâm rơh rlau aơ. Tâm nau geh dơi bah nau tâm boh hôm pơk hvi, Thủ tướng đă bar ding ntrŭt dăng ngăch lơn nau tâm boh văng sa, tăch rgâl ndrel ntuh kơl; nsôih ơm n’hao nau geh tăch rgâl bar ding hao rlau bar tŏ rđil đah rnoh 161 rkeh đôla kơt rnôk aơ. Thủ tướng kŏ đă ân geh mĭn njêng ntrong kan uỷ ban tâm boh mpeh nau kan văng sa gay pơk luh nau dơi ân ntrŭt dăng tâm boh nâp nâl, jŏ jong ndrel săk tam.

Việt Nam bonh đă ăp ntŭk ƀư nau kan tăch rgâl bah Croatia n’hao lơn nau ntuh kơl tâm ăp nau dăng kơt ndrâm dak lêng, logistics, ŭnh nar ndâk tay, pâl n’aih, khoa học-công nghệ, ntrơn rgâl mrô ndrel rdâng nau rgâl mhe trôk nar. Kruanh n’gâng kan Gordan Grlíc Radman lah rjăp Croatia mro uănh khlay nau tâm boh ma Việt Nam ndrel mra tâm rgop ntrŭnh ƀư ân tam ăp nau kan tâm boh bar ding, n’hao lơn tay nau nthoi ntŭk kan tăch rgâl ndrel pơk luh nau tâm boh tâm âk nau kan ndrel uănh khlay./.