Kêng măng lơ 1/12, Thủ tướng Phạm Minh Chính leo rơh rƀŭn nchră Đảng uỷ Chính phủ nglôch lôch nău kan njrăng, rdâng sa nkhiăn sa ƀer mpung lir nău kan mô ueh năm kan Đaị hôị 13. Ăp nău tâm nchră ta rơh rƀŭn nchră lah na nê̆ nău ƀư lôčh trong kan an tâm ban, geh săk rnglăy, âk nău sa nkhiăn sa ƀer, mpung lir nău kan mô ueh lĕ geh saơ, uănh nđôi, rmal na nê̆, răng dăng. Ntoh ngơi ta rơh ntĭm đă, Thủ tướng kơp dơn nău geh lĕ rngôch yơn an lah hôm nha geh âk nău kŏ khan kơt du đê̆ nuĭh leo kan, nuĭh leo bôk năp ê hŏ geh dơn lĕ nău kan, nău uănh nđôi êng, geh saơ tâm ntŭk kan hôm nha mô âk. Thủ tướng đă Đảng uỷ Chính phủ an geh uănh năl tay nău njrăng, rdâng sa nkhiăn sa ƀer lah nău kan tơm khlăy, ndrel đah rdâk njêng, nkra mhe Đảng, ntrôl nău kan rgâl mhe hành chính n’hao nău dơi mpôl cán bộ, công chức, viên chức geh nău kan ueh, dơi tŏng tâm di đah nău ŭch hun hao.