Kêng măng (27/11), ta Ngih Chính phủ, Thủ tướng Phạm Minh Chính, Kruanh Hội đồng Tâm rlong rnê nkhôm Trung ương ƀư tơm rơh rƀŭn tal 15 Hội đồng Tâm rlong rnê nkhôm Trung ương gay nchrăp ƀư Đại hội Tâm rlong rŏng dak rơh tal 11 n’hanh uănh min tay an nău rgop mpeh nău dăn đă an ndơ nkhôm anh hùng lực lượng vũ trang nhân dân, anh hùng lao động. Ntoh ngơi ta rơh rƀŭn, Thủ tướng Phạm Minh Chính nkoch kloh:

Bah aƀaơ tât Đại hội Tâm rlong rŏng dak rơh tal 11 hôm du khay, rnoh nău kan âk, đă âk, mpŏng ăp nuĭh Hội đồng Tâm rlong rŏng dak rnê nkhôm an âk mông nar, n’hâm soan, bôk rngok ƀư nău kan dơi pă. Lah rjăp nău săch ndơ nkhôm anh hùng lao động, anh hung lực lượng vũ trang nhân dân đah ăp rmôt, êng nuĭh geh nău kan uĕh ngăn, ntoh lư kơt: tâm nău njrăng n’gang nuh srê Covid-19; mât rnă njrăng neh dak; ăp ntrong leo tâm rlong; ntuh kơl hun hao ntung trong têh; jŭt ngih rông mpông sat, đăp mpăn nău rêh jêng; thể thao, văn hóa; njrăng n’gang nkra phŭt dak lip; khoa học công nghệ; rgâl mĭn ƀư mhe, rgâl mrô. Thủ tướng uănh mô an vĭ, nuih n’hâm têh khlay n’hanh mĭn lah “Mpư ryơk ăp ntoh ang têh lah mpư ryơk khlay bah rnoi nuĭh.