Kêng măng 30/9, ta Ngih Chính phủ, Thủ tướng Phạm Minh Chính ƀư tơm Rơh rƀŭn tal 15 Ban Ntĭm rđău Ngih dak mpeh njrăng n’gang sŏk joi tui ka mô tâm di, mô geh mbơh n’hanh mô tĭng nău ntrŭnh (IUU). Thủ tướng lah rjăp an uănh nău lôch bah IUU lah “trong rdôl lơh” kơt đah ndơ rlăm, ndơ sông sa rlăm, n’gluh an nău rƀŏng tât lơ 15/11/2025 an lôch bah nău aơ.

Ăp n’gâng kan nău kan, ƀon lan mô ƀư tĭng uĕh mbra rmal tĭng nuih n’hâm Ntĭm đă 32 Ban Bí thư. Thủ tướng jao an N’gâng kan Công an ƀư tơm tâm rgop đah N’gâng kan mât njrăng bri dak, N’gâng kan tuch tăm mât rong n’hanh Ntŭk ntô gŭ âm ndrel ƀon lan hăn lĕ rngôch rmôt duk mpan bah năp lơ 5/10, nkre an joi phong ăp nău ƀư geh tât. Wa đă đŏng tâm 5 nar, N’gâng kan tuch tăm mât rong, Ntŭk ntô gŭ âm n’hanh Tư pháp jêh nkra rgâl Nghị định 38, n’hao rnoh rmal tih hành chính. N’gâng kan ƀon lan an nchrŏng trong rgâl bah sŏk joi ngai kơh an mât rong, nkret njêng tui ka nâp nâl.