Măng 25/11, ta nkuăl ƀon têh Hồ Chí Minh, Thủ tướng Phạm Minh Chính ƀư tơm nar rbŭn tal 23, Rnâng kan rđau kan neh dak mpeh nau sŏk joi tui ka tih dôih mô mbơh ndrel mô tĭng nau ntrŭnh (IUU). Ntoh nau tâm nar rƀŭn, Thủ tướng rnê prêh nuih n’hâm ƀư nau kan rjăp, ndal, săk tam bah ăp n’gâng kan, ntŭk kan, n’gor ndrel ăp nau rgop mbơh tâm rơh rƀŭn, ntoh nuih n’hâm nsôih prêh tâm nau kan lơh rdâng ma nau kan sŏk joi IUU ndrel nsôih doh lơi nau rdâng mô ân bah EC tâm năm 2025.

Thủ tướng đă nŭih dâk bôk ăp ntŭk kan, n’gâng kan, n’gor ndơn nau kan tơm, ăp ntil bah năp Chính phủ, Thủ tướng Chính phủ lah ân geh nau duk joi ka tih mô lah mbrơi nau ƀư ân doh lơi nau rdâng tâm IUU. Lŏ ƀư ân rjăp nau mbơh ƀa ƀơ mpeh nau tă geh ntrŭnh rdâng IUU mpeh Rnâng kan rđau kan, ƀư ân geh săk tam, rjăp ăp nau ntrŭnh, nau đă, nau mbơh ƀư, rđau đă bah Đảng, bah Chính phủ, Thủ tướng Chính phủ, nau ntrŭnh rƀŭn ăp ntŭk kan mpeh nau rdâng sŏk joi IUU./.