Ôi ntri (17/09), ta Nhih pah kan Chính phủ, Thủ tướng Phạm Minh Chính ƀư tơm rơh Tâm nchră lam dak ntrŭt ntrôl ntuh kơl năm 2025 (tâl 3). Thủ tướng Phạm Minh Chính lah kloh: n’gluh tơm prăk ntuh kơl năm 2025 geh âk nău rgâl. Tâm 8 khay aơ, lam dak n’gluh tơm prăk ntuh kơl bơi 409 rbăn rmen prăk, geh 46,3% trong nchrăp Thủ tướng Chính phủ jao, hao 5,9% mpeh rnoh âk n’hanh hao bơi 135,3 rbăn rmen prăk mpeh rnoh tât lĕ rđĭl đah ndrel khay dja năm 2024.

Thủ tướng kuăl jă ntik n’hao nuih n’hâm dơn kan dŭt âk tâm trong n’gluh tơm prăk ntuh kơl, nsum suan, du nuih n’hâm rlău jêr jŏt, ntul rlong, mô an geh nău mbrơi nkai, "mô an geh prăk ma mô dơi sŏk dŏng”; sơch di nuĭh ƀư ndranh đah nău đă ƀư tĭng di nău ton, di rnoh ngăch n’hanh tĭng groi nđôi ăp pơh nkre rgâl nuĭh ƀư ndranh mô tŏng di. Ntơm bah nê, ntrŭt ntrôl n’gluh tơm prăk ntuh kơl, đăp mpăn rnoh ngăch, nsĭt geh nău dơi tam, n’hao nâp uĕh ndơ geh ƀư, di quy định, rêng kan, siƀŭt, mô an geh tih djơh, sa khâm, mpŭng lir.