Ôi lơ 23/2, ta ntŭk kan Chính phủ, Thủ tướng Phạm Minh Chính hŏ tâm mâp măt bôk năm đah cán bộ, công chức, viên chức, nŭih pah kan Văn phòng Chính phủ, nkre ntrŭnh ƀư nau kan tơm nkre tă bah nar pah kan bôk năp jêh rlu Tết. Thủ tướng mbơh, nau kan ƀư Tết năm mhe Bính Ngọ 2026 mhe rlau geh âk nau ueh lơn rđil năm e, ƀon lan vơt Tết răm rhơn, duh răm, ueh lăng, tâm boh; nau kan năm mhe geh ntrŭnh ƀư tă bah nar bôk, khay bôk tĭng nuih n’hâm rđau kan bah Trung ương ndrel Chính phủ.

Thủ tướng đă Văn phòng Chính phủ ƀư ueh nau vay ơm, rgâl mhe nau kan tâm nchră mbơh, rgum ƀư; nkoch mbơh nau kan ân ngăch, di ndrel săk tam; pah kan gleh, hăn sŏng tâm nau tơm, tâm rgop rjăp đah ăp rmôt; janh mĭn, janh kan, janh ndơn nau; mât nau tâm rnglăp, tâm ban, uănh khlay mông nar ndrel ƀư kan tâm di rnôk./.