Tâm trôm rơh khâl na nê̆ Ngih dak Kuwait, lơ 17/11/2025, Thủ tướng Chính phủ Phạm Minh Chính lĕ rgum ôp Kon kđaih ngih dak Kuwait Sheikh Dabah Khaled Al-Hamad Al-Sabah; khâl tă ƀư Thủ tướng Kuwait Sheikh Nasser Al-Mohammed Al Jaber Al-Sabah.

Răm rhơn ta năp nău hun hao tâm boh wăng sa-tăch rgâl đah geh prăk tăch rgâl geh 7 rmen đôlar n’hanh uănh lah nău geh kan ndrel đah 2 dak hôm e dŭt âk, Thủ tướng Phạm Minh Chính đă Kon kđaih Sheikh Sabah Khaled Al-Hamad Al-Sabah uănh tât ntĭm rđău ntrôl kan ndrel tâm ăp ntil nău wăng sa-tăch rgâl-ntuh kơl, ŭnh nar-pring xăng, mât njrăng bri dak-rnă njrăng, khoa học công nghệ, rgâl mĭn ƀư mhe, rgâl mrô, pah kan n’hanh ntĭm nti. Ta nar khâl tă ƀư Thủ tướng Kuwait, Thủ tướng Phạm Minh Chính mĭn lah, đah nău dơi n’hanh jâng nsan mhe, Việt Nam nchrăp kan ndrel nsing nơm n’hanh nâp nâl tâm âk ntil wăng sa bah Kuwait, ngăn lah tâm ăp ntil nău ŭnh nar, công nghiệp, trong pă an, ntuh kơl n’hanh prăk kaih.