Măng ntri 29/09, ta nhih pah kan Chính phủ,  nkhêp geh nkah ndray 50 năm njêng tâm boh đah bar dak (1975–2025), Thủ tướng Chính phủ Phạm Minh Chính hŏ geh rơh kuăl điện tâm nchră đah Thủ tướng Cộng hòa Liên bang Đức Friedrich Merz tâm ôp đah ăp trong ntrŭt ntrôl tâm boh têh jong lam lĕ rngôch Việt Nam – Đức hun hao nar lơn ma ngăn ngăn, geh nău tam n’hanh lam lĕ rngôch. 

 Ta rơh kuăl điện tâm nchră, Thủ tướng Chính phủ Phạm Minh Chính dăn đă Đức kan nsum an ƀư tay geh nău tam Hiệp định dah rŏng tăch rgâl Việt Nam – EU (EVFTA), ơm uănh an Hiệp định Mât njrăng ntuh kơl Việt Nam – EU (EVIPA), nta trong dơh lơn đŏng an ăp doanh nghiệp bar dak pơk hvi tâm boh ntuh kơl n’hanh tăch rgâl; ndơ̆ khoa học công nghệ n’hanh rgâl blău mhe jêng n’gâng tơm mhe tâm boh bar ding. Bar ding tâm ban ŭch ơm n’hao têh tâm boh bar ding hao rnoh prêh lơn, n’hao âk tơ̆ tâm khâl nsum mpôl kan gưl têh, ntik n’hao ăp trong tâm n’guăk tâm boh dôl geh aƀaơ, ntrŭt ntrôl njêng ăp rmôt pah kan nsum tâm ăp trong kan wăng sa, chính trị, nuĭh kan.