Ta rơh rƀŭn, Thủ tướng đă rgum lĕ ăp rnoh kan gay ma gĭt vơt kơl, mât chăm nuĭh rmanh, gĭt tay na nê̆ nău, ta nkual geh nglah êng gay ma gĭt ngăch kơl an ƀon lan. Thủ tướng đă n’gâng kan tơm prăk an geh uănh năl tay nău kan, mbơh tơih mpôl kan geh gĭt đah ăp trong kan, rgum lĕ ăp nuĭh kan, mpôl kan ndơ dŏng tât dăch ta nkual,ntŭk an geh kơl ndơ, vơt ƀon lan. Thủ tướng đă n’gâng kan tơm prăk pă dâl phe an ăp n’gor, năp lor lah kơl an n’gor Lâm Đồng 200 rmen prăk, n’gor Khánh Hoà 200 rmen prăk, n’gor Đăk Lăk n’hanh Gia Lai ăp n’gor 150 rmen prăk pă dâl an ăp ntŭk. Thủ tướng pă dâl tâm ôi aơ lơ 21/11, Groi Thủ tướng Lê Thành Long hăn ta ăp n’gor Gia Lai, Groi Thủ tướng Hồ Đức Phớc hăn ta n’gor Đăk Lăk, Groi Thủ tướng Hồ Quốc Dũng hăn ta Lâm Đồng đă ntĭm leo nău kan njrăng, rdâng, ndâk nsơm nău tât bâh mih sial, khlay ngăn lah kơl an ƀon lan.