Mbơh tơih ta rơh rƀŭn nchră, ndơn kan n’gâng kan rdâk njêng an gĭt, 05 nău nchrăp kan ƀư trong têh ta nkual Đồng bằng Sông Cửu Long geh lĕ nău jong klâp ma 206km. Tĭng nău nchrăp kan mbra ƀư lôch ta năm 2025 n’hanh aƀaơ ăp nău nchrăp kan dôl geh mbơh tơih ƀư mât đăp mpăn nău ngăch, ăp nău jêr, kŏ văk lĕ geh doh rklaih. Thủ tướng đă ăp gâl kan, ăp n’gâng kan an ngăch ndăn, ƀư leo ăp nău kan, nău kơl kan an dơh nơih gay ma rhoăt ngăch nău kan, săm ƀŭt an dơi kan, sŏk dŏng ndơ tâm neh gay ma ƀư an tâm di nău ngăch bâh ăp nău nchrăp kan. Ntŭk kan leo kan mât leo ƀư trong ntrŭt đă ntŭk ntuh kơl ƀư tĭng ngăch nău kan, n’hao nuĭh kan, máy mok ndơ sŏng ƀư, rnoh tơm prăk gay ma pah kan 3 rơh 4 tơ̆ mât đăp mpăn ƀư lôch ăp nău kan an di ngăch, ueh, đăp mpăn nău kan.