Lôch geh djăt ăp nău tâm rgop ntoh ngơi, Thủ tướng Phạm Minh Chính rnê âk nău nsrôih, dơn kan, nău ngăn, na nê̆, ueh di bâh ăp Groi Thủ tướng n’hanh ăp đại biểu tât râng rơh rƀŭn nchră. Ngăn lah , rnê nău nsrôih kơt nti, nănh mĭn nănh kan, nănh ngơi bâh ăp doanh nghiệp rdâk njêng tât râng rơh rƀŭn nchră, lĕ dăn đă ƀư ăp nău kan geh nău khlăy, mĭn kan rgâl mhe mĭn kan ndrel tât râng doh rklaih ăp nău kan têh bâh ngih dak.

Thủ tướng ntŭk kan Chính phủ leo kan, tâm rgop đah n’gâng kan rdâk njêng n’hanh ăp n’gâng kan, ntŭk kan geh tât geh gĭt tŏng ăp nău tâm rgop, ntrŭnh mbơh nglôch lôch rơh rƀŭn nchră gay ma dơn ngoăy ntĭm đă, mbơh tơih ƀư nău kan.  Tâm let năp tay Thủ tướng đă, nuĭh leo kan ăp n’gâng kan, ăp ntŭk kan ăp doanh nghiệp rdâk njêng an geh uănh năl na nê̆ mbơh tơih ƀư tĭng ăp nău kan khlăy, ăp nău khlay bâh ngih dak an săk rnglăy, du nău nchrăp, nkô̆ mpŏng ngluh mbơh lah nău kan tơm gay ma ƀư tĭng nău kan công nghiệp mhe, nău rêh mhe.