Măng nđaơ (28/10), Thủ tướng Phạm Minh Chính ndrel đại biểu gưl prêh Việt Nam sĭt bah Kuala Lumpur, Malaysia sĭt Hà Nội, lôch ăp nău ƀư râng rƀŭn nchră Gưl prêh ASEAN rơh tal 47 n’hanh ăp Rƀŭn nchră Gưl prêh geh tât.

Mpôl Việt Nam yor Thủ tướng Chính phủ Phạm Minh Chính leo bôk lĕ râng dŭt n’hâm, rgop săk rnglăy an bơi 20 nău ƀư âk ding tâm trôm rƀŭn nchră, tâm pă âk trong nchrŏng khlay uănh tay nău rêh rgŏ năp bah ASEAN.

Tâm boh dăch dêh n’hanh kan ndrel ngăn ngên đah Việt Nam n’hanh ăp dak dơi ntrôl ngăn ngên tă bah rlău 20 rơh mâp ăp ding. Ăp nău rgop, dăn đă n’hanh mĭn ƀư mhe bah Việt Nam rgum tâm ntrôl ndâk njêng Nsum mpôl ASEAN tâm rnglăp, hao êng, rgum lĕ n’hanh nâp nâl sŏk kon nuĭh ƀư ta n’gul, hăn ndrel hun hao neh dak đah hun hao nkual. Tă bah nĕ, Việt Nam ƀư tơm tay nuĭh tơm, dŭt n’hâm n’hanh lĕ đah nău kan, rgop ngăn ngên an nâp nâl tâm rnglăp tâm dak, n’hao ƀư tơm bah ASEAN, yor đăp mpăn, kan ndrel n’hanh hun hao tâm nkual.