Kêng măng 19/10, ta Cần Thơ, Thủ tướng Chính phủ Phạm Minh Chính ƀư tơm Rƀŭn nchră mpeh nu nău mbơh ƀư ăp nău nchrăp ƀư trong têh hăn ngăch nkual Dâng rđŭng dak me Cửu Long. Aƀaơ tâm nkual geh 5 nău nchrăp ƀư trong têh hăn ngăch đah jong dĭng lĕ 200km nchrăp lôch jêh năm 2025 đăp mpăn ngăch, ăp jêr jŏt, wăk kol ntơm dơi dôh rklaih. 2 nău nchrăp ƀư Cao Lãnh-Lộ Tẻ n’hanh Lộ Tẻ-Rạch Sỏi (nklăp 80km) mbra jêh tâm khay 10 aơ.

Ăp n’gâng kan nău kan, ƀon lan lĕ tâm pă lŭ loih, jêh sŏk măt neh, ntŭk gŭ mhe. Thủ tướng đă bah aƀaơ tât dŭt năm an nsrôih jêh, đêt đŏng rlău ngăch ăp nău nchrăp ƀư trong têh hăn ngăch nkual Dâng đŭng dak me Cửu Long, uănh aơ lah “nău đă bah play nuih” n’hanh lĕ đah nău kan đah nkual neh bri he. Ăp nău nchrăp ƀư an ƀư tĭng rjăp, đăp mpăn uĕh nâp, đăp mpăn pah kan n’hanh mât njrăng ntŭk ntô gŭ âm, rgop hun hao ngăch, nâp nâl nkual Dâng rđŭng dak me Cửu Long.