Kêng măng 8/3, Thủ tướn Chính phủ Phạm Minh Chính pah kan đah n’gor Điện Biên mpeh nu nău ƀư tĭng nău kan hun hao wăng sa-rêh jêng ta ntŭk. Ta rơh rƀŭn, ăp đại biểu uănh lah tâm 2 khay bôk năm 2026, Điện Biên geh du đêt săk rnglăy uĕh, âk ntil nău geh rgâl hao, geh n’gâng tơm an nău rƀŏng hao jêng bah lĕ năm.

N’glôn jêh nar pah kan, Thủ tướng đă n’gor mbơh ƀư dŭt n’hâm, rĭng ăp trong mkra, nsrôih geh hao jêng wăng sa bah 11% hao tâm năm 2026. Tâm nĕ, n’gor an rgum joi săk rnglăy ăp ngih măy thủy điện, ntrôl hun hao công nghiệp nkret njêng, ŭnh nar; nkre ntrôl dăng dăp tay lŏ mir tĭng trong nkra njêng ndoh ndơ, ndâk njêng trong ƀư, nău kơl nuĭh ƀon lan rgâl tơm tăm, hun hao tơm mắc ca, cà phê n’hanh ndơ khlay.

Măng ndrel nar, râng Lễ hội Nkao Ban đah bôk nău “Nkao Ban-Mpŏng ŭch vọng Điện Biên”, Thủ tướng nkoch mpŏng ŭch n’gor mât uĕh tay nuih n’hâm tâm rnglăp, mât n’hanh rêng hvi nău uĕh văn hóa, rgâl nău geh ơm jêng soan ntrôl hun hao nâp nâl an nkual Tây Bắc.