Ôi ntri (27/10), ta thủ đô Kualua Lumpur, Malaysia, nkhêp geh râng tâm nchră gưl têh ASEAN tâl 47 n’hanh ăp tâm  nchră geh tât, Thủ tướng Chính phủ Phạm Minh Chính geh rơh pah kan đah Thủ tướng Campuchia Hun Manet n’hanh Thủ tướng Lào Sonexay Siphandone.

Ta rơh pah kan, pe Thủ tướng hŏ ndrel tâm ôp mpeh ăp trong kan tâm boh nsum n’hanh ăp nkô̆ nău dak bah dih, tâm nkual ndrel uănh khlay; tâm nkoch pe dak dôl nsrôih rlău ntul rlong mpeh rnă njrăng, chính trị n’hanh hun hao wăng sa rêh jêng kon nuĭh tă bah rgoh n’gơ nô nău lam ntŭr neh n’hanh nkual nsĭt tay; nchih nkah tâm boh bar ding n’hanh pe dak tâm bah ri aơ nơh geh ăp njuat hun hao ngăn ngăn.

Pe Thủ tướng tâm ban ŭch tâm nsŏng kơl nsum mpeh ăp nkô̆ nău dak bah dih, nkual ndrel uănh khlay; ăp nkô̆ nău geh tât tâm boh bar ding n’hanh đah pe ding; kan nsum nchrăp an uĕh ăp nar kan têh ta ăp dak tâm let năp tay.