Ôi nđaơ, 6/10, Nkhêp di nkah gĭt 70 năm Nar rklaih đăp mpăn Thủ đô (10/10), Thủ tướng Phạm Minh Chính lĕ tât râng “Nar rgum Văn hóa yor đăp mpăn”, yor UBND nkual ƀon têh Hà Nội ƀư. Bôk nău kan lĕ ƀư tay ăp rơh lịch sử bah Hà Nội tă bah ăp nkô̆ nău nghệ thuật, lơn lah nău rmôt tahen lơh dăng lăp mât uănh Thủ đô tâm lơ 10/10/1945;

nkoch ăp drăp ndơ văn hóa bah Thủ đô, geh mbơh ƀư drăp ndơ văn hóa mô mpơl săk ndrel ăp nghệ thuật dân gian; nkoch mpeh hun hao bah Hà Nội bah du nkual ƀon têh geh phah chrai yor tâm lơh tâm su jêng du Nkual ƀon têh yor đăp mpăn đah rêh ngăch dăng, rgâl mhe. “Nar rgum văn hóa yor đăp mpăn” lah nău ƀư văn hóa têh bah Hà Nội, gay mât nău uĕh ơm khlay, rêh hvi nău khlay lịch sử n’hanh văn hóa bah Thủ đô tât đah lam dak n’hanh băl mpôl lam ntŭr neh.