Ôi lơ 28/9, ta Xã Phùng Nguyên (Phú Thọ), Thủ tướng Phạm Minh Chính râng nau ntơm leo dŏng, ân hăn trong ntung Phong Châu mhe. Ntŭk ntung geh ndâk tâm dŭt năm 2024 tĭng nau kan ndal, ntrơn nkra rgâl lơi ntung ơm rlâm yor phŭt Yagi tâm khay 9 năm 2024. Ntung geh rnoh ntuh kơl rlau 635 rmen yơn knŭng lôch nkra đah rnoh rlau 438 rmen, têm nkrem nklăp 196 rmen ndrel rhuăt gleh tâm 3 khay rđil nau nchrăp. Binh đoàn 12, N’gâng kan Công ty ndâk nkra Trường Sơn ƀư nau nkra.

Ntoh nau tâm nar nar ntơm ân hăn, Thủ tướng Phạm Minh Chính rnê prêh nau kan ntung Phong Châu ntoh nau nsôih tâm di ngăn rnôk jao ân ăp n’gâng kan, ntŭk kan ndrel n’gor tâm rgop ƀư, kơl rhuăt gleh mông kan rđil dah nau ndâk nkra ntung vay ƀư roh tât 10 năm, nkre đăp mpăn nau nâp ueh. Rnoh prăk têm nkrem mra ƀư ƀư nkra nâp 2 đah ntung, rgop nau rklaih nau khuch bah phŭt, dak lip, đăp mpăn nau rêh ndrel ntrŭt dăng hun hao văng sa, rêh jêng./.