Tâm rơh hăn khâl ngăn Algieria, kêng măng 19/11/2025, Thủ tướng Phạm Minh Chính hŏ tâm nchră ma Tổng thống Algieria Abdelmadjid Teboune. Thủ tướng lah rjăp Việt Nam mro tyơk nau tâm boh kan nsum geh bun dăp ntơm bah răch năm tâm lơh nsĭt nau đăp mpăn, rnôk Viêt Nam lah ngoai tâm ăp neh dak bôk năp geh kơp dơn Chính phủ Algieria năm 1958. Thủ tướng Chính phủ lah rjăp, bol ma lam ntur neh geh nau rgâl, tâm tâm boh đah bar dak mô rgâl, yor Việt Nam ndrel Algieria mro hăn nsum tâm rnôk jêr ngăn.

Đah nau tâm boh kan nsum mhe ndâk, Thủ tướng đă bar ding ơm ndâk nau kan ngăn, ntrŭt dăng tâm nchră ăp gưl, ơk hvi nau tâm boh văng sa, tăch rgâl ndrel ntuh kơl. Thủ tướng ŭch Tổng thống Algieria kơl an nau kan Quốc hội Algieria ơm nchrăp nau tâm ton bar ding ndrel pơk trong ăp nau kan dŏng ƀư, ê nkra tơm pring bah ntŭk tăch rgâl Việt Nam-Algieria./.