Lơ 1/3, tâm bôk trong kan ta ăp n’gor miền Trung, Thủ tướng Chính phủ Phạm Minh Chính hăn uănh nđôi ăp nău nchrăp ƀư ntung trong khlay geh: trong têh hăn ngăch Quảng Ngãi-Hoài Nhơn, lvang ăp trong mŭr Đức Phổ n’hanh trong mŭr Bình Đê; trong têh hăn ngăch Hoài Nhơn-Quy Nhơn n’hanh nău nchrăp ƀư trong mpăr mrô 2 n’hanh ăp ndơ ƀư rĭng lĕ rngôch mpeh tâm Tach ndeh păr Phù Cát, n’gor Gia Lai.

Ta ntŭk rdâk ƀư nău nchrăp ƀư trong jŭr mpăr mrô 2 n’hanh ăp ndơ ƀư rĭng tâm ban mpeh tâm Tach ndeh păr Phù Cát, n’gor Gia Lai, Thủ tướng rnê rhơn nuih n’hâm pah kan gơih nđơr chuêl săk nơm bah rmôt kỹ sư, phung pah kan mô klach mih duh, sa ndăn, bĭch ndăn”. Uănh nđôi na nê̆ n’hanh djăt nău mbơh ta ntŭk kan, Thủ tướng đă ăp ntŭk kan geh tât nsrôih rhoăt đêt nar ngăch 3 khay, đăp mpăn bôk 9 khay năm 2026 ndơ̆ an dŏng, ndơn yor khay 9 năm 2026 kơt trong nchrăp, nkre đă khay tât an kơl rgop săk rnglăy rnôk ndơ ƀư an dŏng; jao an n’gor Gia Lai mât uănh na nê̆, joi n’hanh dŏng Tach ndeh păr Phù Cát tĭng nău way “nuĭh ƀư uĕh ngăn ri jao an nuĭh nĕ”.