Kêng măng lơ 11/11, ta ntŭk kan Chính phủ, Thủ tướng Phạm Minh Chính vơt kruanh n’gâng kan Lao động n’hanh Phúc lơị dak Cộng hòa Dân chủ Nhân dân Lào Phosay Sayasone (Phô-xay Xay-a-xon). Thủ tướng mpơl nău rhơn ta năp nău tâm boh kan khlăy Việt Nam-Lào geh hun hao tay ueh, nâp nâl tâm rnôk nău ta nkual n’hanh lam ntur neh geh âk nău rgâl. Thủ tướng lah na nê̆ Việt Nam mbra hăn ndrel, kơl an âk tâm nău dơi geh ƀư gay ma ndrel đah dak Lào ntrôl an đăp mpăn n’hanh hun hao nâp nâl. Ta rơh vơt,Thủ tướng đă 2 n’gâng kan n’hao nău tâm rgop, kơl kan rgum mĭn uănh rdâk njêng nău mpŏng kan tâm kơl mhe ta trong pah kan n’hanh nuĭh geh kan kơl e, tâm di đah nău rêh mhe aƀaơ. Bâh nău nĕ, bar ding mbra ký tâm ton tâm kơl gay ma pơk hvi nkô̆ nău tâm rgop, ntrôl mbơh nău mhe, nău tă blău kan mât uănh n’hanh tâm nchră kơl kan.