“Mô ŭch kruanh pah kan tĭng nău mĭn gay ma lĕ năm kan, lah âk ƀư đêt, ƀư nking kol nău hun hao bah neh dak”. Aơ lah nău lah rjăp bah Tổng Bí thư Tô Lâm, ta Tâm nchră pơk sŏng dăng sơ kết nô nău an tĭng ƀư Nghị quyết mbrô 57 bah Bộ Chính trị mpeh rgâl blău mhe ƀư nar 15-10. Nsing ta ăp nău rgop, nău dăn đă, Tổng Bí thư Tô Lâm lah kloh, nău an ƀư Nghị quyết mbrô 57 lah suan ntrôl tơm gay tĭng ƀư geh nău dơi ăp trong kan têh jong, rgâl trong leo hun hao neh dak, njêng trong ntĭt leo hun hao  mhe bah neh dak.

 Tổng Bí thư đă, ăp n’gâng kan tâm dâng ân sŏk nău droh rklaih kô̆ yơn trong tĭng ƀư nău dơn kan đăt ndal; mbluh soih tơm ndơ lam nuĭh an hun hao khoa học, công nghệ, rgâl blău mhe, tĭng nău way “Moh ndơ I mpôl kan bah dih ngih dak ƀư dơi ma mô di nău kan Ngih dak ƀư tơm khlay ri nta trong dơh, ntrŭt nsôr gay mpôl kan bah dih ngih dak ƀư”. Nuih n’hâm lah sŏk nău di nuih n’hâm n’hanh nău nsing nơm bah nuĭh ƀon lan n’hanh doanh nghiệp ƀư mâng weh; ân ƀư keh mbrô lĕ rêng kan, an ƀư siƀŭt “du mpông- du tơ̆ nchih mbơh” ta ntŭk mât prăp nău lư rloh rlău.