Tổng Bí thư, Kruanh dak Tô Lâm râng n’hanh ntăm nklâm ndơ nkhôm têh khlay an nhih nti. Lah ta rơh lễ, Tổng Bí thư, Kruanh dak Tô Lâm dăn đă nhih nti rgâl mhe tay, n’hao săk blău ntĭm nti, hun hao tơm nuĭh kan săk blău âk n’hanh kơi năp nti nuĭh gĭt blău an neh dak.

Nkre, ntrôl ngăch gŭ mĭn khoa học, kơl an nău nsing di rhŏ dŏng an ƀư wat jêh trong tĭng, rgâl mhe trong leo hun hao n’hanh n’hao nău dơi tam dŏng ăp tơm ndơ neh dak. Nhih nti ân n’hao dăng ntĭm nti rgop âk n’gâng kan, dŏng công nghệ, rgâl mbrô, nkre gŭ mĭn đah ngăn ngăn n’hanh nău ŭch geh hun hao bah n’gor, doanh nghiệp. Tổng Bí thư, Kruanh dak lah rjăp, ŭch gŭ mĭn tâng jru, ân ntuh kơl jŏ nâp an rmôt nuĭh kan, rgum mât prăp nău lư n’hanh ăp rmôt gŭ mĭn âk. Uănh khlay gŭ mĭn tơm, nkre đah ntĭm nti bah kơi đại học; ntrŭt ntrôl gŭ mĭn rgop âk n’gâng kan n’hanh tâm boh đah ăp ntŭk nsing khoa học geh nău dơi kan. Ntrŭt nsôr tâm ndăng nău geh ntŭk nsing, uănh khlay nău di ngăn n’hanh nta trong dơh gay nuĭh khoa học rôih tĭng ăp nkô̆ nău jêr. Rlău 50 năm rdâk njêng n’hanh hun hao, tât aƀaơ Đại học Kinh tế Nkual ƀon têh Hồ Chí Minh geh rnoh âk bơi 40.000 sinh viên, nuĭh nti n’hanh nghiên cứu sinh.