Râng geh Thủ tướng Lê Minh Hưng, Groi Kruanh Ban rđău đă; Rnâng kan Ban Bí thư Trần Cẩm Tú, Groi Kruanh Ban Rnâng kan Ban Rđău đă ndrel ăp nuĭh lăp kan nsum.

Ta rơh hop, ăp đại biểu tâm nchră, an nău rgop mpeh 6 nkô̆, lah: ra uănh tay lam lĕ rngôch siƀŭt quy phạm pháp luật; Đề án Têh jong wat jêh lam trong kan pháp luật Việt Nam tâm rơh hun hao mhe; n’hao nău dơi tam n’glăp dŏng pháp luật n’hanh ntrŭt ntrôl nău way blău tĭng jăp; rgâl nkra Bộ luật Hình sự n’hanh Luật Tổ chức nhih pah kan ôp uănh nău tih nhŭp kân nuĭh; trong n’guăk nkra nău tih siƀŭt n’hanh nkra nău tâm pit ngăn. Lah rđău đă, Tổng Bí thư, Kruanh dak Tô Lâm lah rjăp, pah kan rdâk njêng n’hanh dŏng pháp luật ân rgop droh rklaih ăp kô̆ yơn, hŭch đêt prăk dŏng tĭng nău đă, mbluh soih tơm ndơ, đăp mpăn nău dơi n’hanh nău geh tâm di bah nuĭh ƀon lan, doanh nghiệp, njêng suan ntrôl hun hao wăng sa – rêh jêng kon nuĭh, mât nâp rnă njrăng neh dak.