Lah n’glôch jêh rơh pah kan, Tổng Bí thư, Kruanh dak lah rjăp jâng nsing y học cổ truyền bah dak he mô dơn rƀŏng tât săm ji ma hôm uănh khlay mât chăm ngăch dăng săk jăn, tâm ban uĕh hoch mham, tâm ban duh nđik săk n’hanh n’hao nău dơi sĭt dăng êng săk.

Aơ lah triết lý dăch dêh đah trong rƀŏng y học blău mhe, sŏk kon nuĭh ƀư rgum tơm tâm mât chăm n’hâm suan. Tổng Bí thư, Kruanh dak dăn đă n’gâng kan dak si ân geh nău mĭn mhe, trong uănh mhe n’hanh trong tât mhe tâm hun hao y học cổ truyền; nđơn tay rsang rnglay y học dân tộc ta jâng nsing khoa học - công nghệ têh uĕh mhe. Nkre, ân n’gluh hun hao y học cổ truyền tâm trong hun hao nkrum lam neh dak, nkre đah trong nchrăp hun hao kon nuĭh Việt Nam, mât chăm n’hâm suan ƀon lan, công nghệ sinh học, công nghiệp dược liệu n’hanh wăng sa mât chăm n’hâm suan gưl neh dak.