Ta trong ndeh treng hăn ngăch, nuĭh leo kan doanh nghiệp trong ndeh treng Trung Quốc lĕ geh mbơh tơih ngăch đah Tổng Bí thư, Kruanh dak Tô Lâm mpeh nău hun hao bâh n’gâng kan trong loih Trung Quốc. Tĭng nĕ, trong loih  dôl geh dŏng hăn nóng bâh Trung Quốc geh nău jong klâp ma 165 rbăn km. Tâm nĕ, trong loih hăn ngăch geh klâp ma 54 rbăn km, leo bôk năp ta lam ntur neh n’hanh geh rlău 70% lĕ nău jong trong loih hăn ngăch lam ntur neh. Mpơl nău rnê nsơm mpeh ntrong hun hao bâh trong loih hăn ngăch bâh Trung Quốc, Tổng Bí thư, Kruanh dak Tô Lâm ŭch 2 dak geh n’hao tay nău tâm kơl kan tâm rgop hăn trong, geh ăp trong loih, yor nău hun hao ueh nđir n’hanh hun hao bâh ngih dak. Wa đă, nuĭh leo kan n’gâng kan trong loih n’hanh ăp doanh nghiệp Trung Quốc mbơh nău tă blău kan n’hanh kơl an, tât râng ndrel đah Việt Nam tâm njăr trong rdâk njêng, mbơh nău kan công nghệ an ăp nău ƀư trong loih dŭt khlăy ta Việt Nam.