Măng 18/5, lễ mbơh njêng Nkual ƀon têh Đồng Nai mpeh Trung ương n’hanh wơt dơn Huân chương Lao động hạng Nhất hŏ ƀư rgum tơm đah nău tât râng bah Tổng Bí thư, Kruanh dak Tô Lâm. Ntơh măt kruanh rđău kan Đảng, Ngih dak, Tổng Bí thư, Kruanh dak hŏ ndơ̆ n’glêh an bah Quốc hội mpeh nău njêng Nkual ƀon têh Đồng Nai n’hanh ntăm an Huân chương Lao động hạng Nhất an Đảng bộ, n’gâng kan n’hanh ƀon lan nkual ƀon têh.

Lah ta rơh lễ, Tổng Bí thư, Kruanh dak lah rjăp, tâm ăp rơh tâm lơh, Đồng Nai lah nău ntĭt bah nău mĭn rôih dăng, du nuih n’hâm tĭng đah Đảng, Neh dak n’hanh ƀon lan. Bah nkual neh way ơm cách mạng, Đồng Nai hŏ nsan hao jêng ngoăy tâm ăp ntŭk rgum công nghiệp, đô thị n’hanh lăp rgum khlay bah neh dak. Nău jêng nkual ƀon têh mpeh Trung ương pơk luh njăr trong hun hao mhe, ân uănh tât trong têh jong, nău dơi mât bôk kan têh blău mhe n’hanh nău dơn kan têh lơn bah năp ƀon lan, rƀŏng tât ndơ̆ Đồng Nai lăp tâm rmôt ăp nkual ƀon têh dŭt di ma rêh, di ma ntơm njêng nău kan bah châu Á n’hanh lam ntŭr neh.