Aơ lah ngoăy tâm âk ngih nti Đại học dŭt jŏ n’hanh ntoh lư ngăn ta lam ntur neh. Tổng Bí thư, kruanh dak rhơn geh gĭt, Ngih nti Trinity Dublin  dôl geh mbơh tơih âk bôk nău kan tâm kơl đah ăp ngih nti đại học, viện mĭn uanh bâh Việt Nam. Rhiăng nai nti, sinh viên Việt Nam lĕ n’hanh dôl geh gĭt dăch đah n’gâng kan ntĭm nti mĭn uănh ueh blău gâl lam ntur neh bâh ngih nti. Tổng Bí thư, Kruanh dak ŭch an lah, ăp bôk nău tâm kơl aơ mbra geh âk nău dơi lơn, ntop ƀư tĭng ăp nkô̆ mpŏng hun hao jŏ jong bâh lĕ 2 dak n’hanh ndơ̆ nău tâm boh kan Việt Nam- Ailen hun hao ăp nar lơ ma ueh n’hanh ngăn ngên lơn. Tổng Bí thư, Kruanh dak knơm Việt Nam n’hanh Ai len mbra geh hăn ndrel nsum, tâm kơl na nê̆, mpŏng tât nău kan khlăy mpeh tâm boh ueh lơn tâm let năp tay, yor nău geh bâh ƀon lan 2 dak, yor du nău rêh ueh let năp tay, đăp mpăn, tâm kơl n’hanh hun hao ta nkual n’hanh ta lam ntur neh.