Ta rơh wơt, Tổng Bí thư, Kruanh dak mĭn lah Việt Nam uănh lah prêh ƀư tơm n’hanh ăp nău rgop bah Ấn Độ đah đăp mpăn n’hanh hun hao bah nkual; uănh Ấn Độ lah ngoăy tâm âk dak kan ndrel khlay bôk năp, kơl Ấn Độ mât uĕh ƀư tơm têh ta nkual n’hanh lam ntŭr neh.

Tổng Bí thư, Kruanh dak lah rjăp Việt Nam n’hanh Ấn Độ geh tâm boh dăch dêh way ơm, nsing nơm chính trị têh; nău 2 ding tâm ban ŭch n’hao tâm boh hao kan ndrel têh lĕ rngôch n’hao geh nkô̆ nău khlay kơl nâp nâl nsing nơm chính trị n’hanh pơk luh dơi kan ndrel jru hvi tâm âk ntil nău; đă 2 ding n’hao lơn tay tâm rgâl mpôl gưl prêh n’hanh ăp gưl, ntrŭt kan ndrel tăch rgâl, điện tử; pơk hvi kan ndrel khoa học công nghệ, n’hao boăt nthoi, tâm nđŭr nuĭh ƀon lan đah 2 dak.