Tổng Bí thư Tô Lâm n’hanh I ur Ngô Phương Ly ndrel Mpôl ntơh măt gưl têh Việt Nam hŏ sĭt tât Hà Nội, dŭt jêh uĕh lăng hăn khâl gưl Ngih dak tât Cộng hòa Dân chủ Nhân dân Lào.

Tâm rnôk hăn khâl, Tổng Bí thư Tô Lâm hŏ geh rơh tâm nchră đah Tổng Bí thư, Kruanh dak Lào Thongloun Sisoulith; ôp srĭng nău Thủ tướng Sonexay Siphandone, Kruanh Quốc hội Saysomphone Phomvihane; khâl ăp kruanh rđău kan gưl têh ơm bah Lào; râng Lễ nkah ndray 50 năm Quốc khánh; an kao si ta ndah rup nkah gĭt ăp tahen mô hôm saơ săk; lah trong kơl ta Học viện Chính trị n’hanh Hành chính Quốc gia Lào; râng lễ sa nkra Công viên Hữu nghị Lào - Việt Nam n’hanh du đêt nău kan êng ƀa ƀă; nkre ƀư tơm Rơh mâp gưl têh đah Đảng Cộng sản Việt Nam n’hanh Đảng Nhân dân Cách mạng Lào. Nkhêp geh hăn khâl, bar ding hŏ ký du đêt siƀŭt tâm boh khlay, njêng aih trong tâm di, pơk luh ăp trong rƀŏng tâm boh mhe, tâm di đah nău ŭch geh hun hao bah ăp dak n’hanh nău geh nsum bah bar rnoi nuĭh, ƀư jru hvi tay lơn tâm boh mha êng Việt Nam - Lào tâm nô nău mhe.