Nar nđaơ (28/10) Tổng Bí thư Tô Lâm ndrel I ur n’hanh mpôl đại biểu gưl prêh dak he tât tach ndeh păr London Stansted ntơm ăp nău ƀư tâm bôk nău kan khâl na nê̆ Liên hiệp dak Anh n’hanh Bắc Ireland tĭng nău jă bah Thủ tướng Keir Starmer.

Rơh pah kan aơ bah Tổng Bí thư Tô Lâm mĭn lah tay trong hăn tâm rnglăp bah dih đăp mpăn ƀư tơm, rgop âk ntil, rgop âk trong, yor đăp mpăn, kan ndrel n’hanh hun hao, rgop n’hao nsing nơm, ntŭk gŭ tâm rnglăp bah dih bâh Việt Nam ta nlual n’hanh lam ntŭr neh.

Nchrăp tâm trôm rơh khâl, Tổng Bí thư Tô Lâm mbra rgum nchră đah Thủ tướng Anh Keir Stamer, rgum nchră đah Kruanh Quốc hội gay tâm rgâl, tâm ban ŭch ăp trong ntrôl dăng tâm  boh kan ndrel têh đah 2 dak, râng n’hanh ntoh ngơi ntĭm rđău ta rƀŭn nchră wăng sa gưl prêh đah âk doanh nghiệp têh bah Anh gay n’hao kan ndrel mpeh prăk kaih-ngân hàng, ŭnh nar, khoa học-công nghệ n’hanh hun hao uĕh kloh.