Ôi 28/10, Tổng Bí thư Tô Lâm ndrel I ur n’hanh mpôl ntơh măt gưl têh dak he tă bah Hà Nội hăn khâl ngăn dak Anh n’hanh Bắc Ireland tĭng nău jă bah Thủ tướng Keir Starmer. Hăn pah kan lah rjăp Việt Nam uănh khlay ntŭk gŭ kan têh bah Anh ta nkual, nkre rdâk nâp tay, n’hao nău khlay tâm boh bar ding tâm trong tâm boh đah dak bah dih bah Anh n’hanh châu Âu.

Bar ding mpŏng ntrŭt ntrôl tâm boh ta ăp rơh rgum nchră âk ding, ntik n’hao nău khlay kan ƀư ntung njŏ bah Việt Nam tâm boh ASEAN - Anh. Aơ lah hăn khâl lor bôk năp bah Tổng Bí thư Việt Nam tât Anh rlău 12 năm, nsĭt nău khlay mô hŏ tă geh, mpơl nău nsing nơm têh jong đah bar dak, pơk luh trong rƀŏng tâm boh ngăng ngăn, rgop ndơ̆ tâm boh Việt Nam - Anh hun hao jru hvi, nsĭt geh nău tam lơn tâm let năp tay.