Dơn nău jă bah Tổng thống dak Cộng hòa Phần Lan Alexander Stubb, ntơm bah nar 20 tât 22/10, Tổng Bí thư Tô Lâm, I ur n’hanh mpôl ntơh măt gưl têh Việt Nam khâl ngăn dak Phần Lan. ăp năm aơ, tâm boh Việt Nam – Phần Lan hun hao nsrôih uĕh, Phần Lan way uănh Việt Nam lah dak tâm boh an lor tâm nkual Đông Nam Á.

Hăn khâl ngăn rơh dja lah n’gâng ntơm khlay, lah rjăp nău nsing nơm chính trị n’hanh pơk luh du rơh tâm boh mhe đah bar dak. Việt Nam n’hanh Phần Lan rdâk nâp tay tâm boh tâm ăp trong kan way ơm kơt ntĭm nti, khoa học – công nghệ, ntŭk gŭ rêh, tuch tăm mât rong; nkre pơk hvi tât ăp trong kan mhe lah rgâl mbrô, ŭnh nar sĭt jêng tay, wăng sa plơ̆ wăch tay. Aơ lah ăp trong rƀŏng tâm di đah trong uănh hun hao jŏ jong, nsĭt tay nău geh ngăn ngăn an ƀon lan bar dak n’hanh rgop uĕh tâm nău đăp mpăn, tâm boh n’hanh hun hao tâm nkual tâm ban kơt lam ntŭr neh.