Ôi 1/10, Tổng Bí thư Tô Lâm, Thủ tướng Phạm Minh Chính ndrel 800 đại biểu hŏ râng Nar rgum rgâl mhe gưl neh dak. Lah ntơm pơk, Tổng Bí thư lah rjăp lam ntŭr neh dôl rgâl ngăch mô hŏ tă geh bah trí tuệ nhân tạo, mât prăp nău lư têh, công nghệ sinh học, ŭnh nar sĭt jêng tay, ndơ rdâk njêng mhe. Việt Nam ân uănh khoa học - công nghệ, rgâl blău ƀư mhe n’hanh rgâl mbrô lah suan ntrôl tơm trong ntĭt leo lor hun hao.

Tổng Bí thư đă ndăn ngăch an ƀư bôk nău kan hun hao 11 công nghệ têh jong tĭng nuih n’hâm Nghị quyết 57, lơn lah ăp trong leo nkual bán dẫn, AI, mât prăp nău lư têh, đăp mpăn- rnă njrăng mạng, mật mã, công nghệ sinh học, ndơ rdâk njêng mhe, ŭnh nar mhe, điện tử, cảm biến, robot. Ăp nhih nti đại học, viện gŭ mĭn ân ntrôl dăng ndơ̆ rgâl công nghệ, ntop kơl rmôt gŭ mĭn njêng doanh nghiệp, tăch rgâl ndơ geh ƀư gay jêng rơh doanh nghiệp công nghệ hun hao ngăch, rgop ndơ̆ Việt Nam hun hao dăng tâm rơh hun hao mbrô.