Tổng Bí thư Tô Lâm hŏ ký nau ntrŭnh ân ƀư bah Bộ Chính trị mpeh nau ndâk 23 đảng bộ ăp n’gor, nkuăl ƀon têh jêh rnôk ƀư rnglăp, rgum. Ăp nau ntrŭnh geh nau tam ntơm lơ 1/7. Tâm ăp nkuăl Tây Nguyên ndrel Nam Trung Bộ, tĭng nau ntrŭnh 320, Bộ chính trị ntrŭnh ndâk Đảng bộ n’gor Dak Nông tâm nau rgum 2 đảng bộ n’gor Dak Lak ndrel Phú Yên. Tâm nau ntrŭnh 319, Bộ chính trị ntrŭnh ndâk Đảng bộ n’gor Lâm Đồng tâm nau rgum 3 đảng bộ n’gor Lâm Đồng, Dak Nông ndrel Bình Thuận.

Tâm nau ntrŭnh 318, Bộ chính trị ntrŭnh nau ndâk Đảng bộ n’gor Khánh Hoà tâm nau rgum 2 đảng bộ n’gor Khánh Hoà ndrel Ninh Thuận. Tâm nau ntrŭnh 317, Bộ chính trị ntrŭnh nau ndâk Đảng bộ n’gor Gia Lai tâm nau rgum 2 n’gor Gia Lai ndrel Bình Định. Tâm nau ntrŭnh 316, Bộ chính trị ntrŭnh nau ndâk Đảng bộ n’gor Quảng Ngãi tâm nau rgum 2 đảng bộ n’gor Quảng Ngãi ndrel Kon Tum./.