Ôi 4/8, Tổng Bí thư Tô Lâm hŏ mâp măt ăp nuĭh ntoh lư râng Đại hội tâm rlong “Yor an rnă njrăng neh dak” tâl IX. Ta rơh mâp măt geh 44 mpôl, ăp nuĭh dơi ntăm an, ƀoi ntăm an săk ntơ “Anh hùng Lực lượng Vũ trang Nhân dân”; 78 Huân chương Quân công, 735 Huân chương Chiến công, 59 Huân chương Lao động, rlău 3.000 Huân chương Mât njrăng neh dak, 3 Huân chương Dũng cảm n’hanh hang rmưn tơ̆ ăp mpôl, ăp nuĭh dơi ăp gưl nkhôm rnê.

Lơn lah, nkhêp nkah ndray 80 năm Nar way ơm, mpôl Công an ƀon lan dơi nkhôm an Huân chương Sao vàng tâl prăm. Aơ lah bôk nău  kan dŭt geh nkô̆ khlay, tâm rŏng n’hanh n’hao săk rnôk dơi Tổng Bí thư Tô Lâm mâp măt, rgŏ jă 40 Nuĭh dăng janh n’hanh rnăk wâl mpôl tahen dăng janh, 57 Chiến sĩ thi đua lam dak n’hanh 246 nuĭh ntoh lư, lah ăp nuĭh ntoh lư tâm trong leo tâm rlong bah mpôl công an ƀon lan, ntơh măt an hang rbăn cán bộ tahen pah kan ta ăp trong kan lam ăp neh dak, rhơn n’hao dơi sĭt mbơh đah kruanh rđău kan Đảng, Ngih dak n’hanh Bộ Công an.