Kêng măng 14/10, ta Ngih Trung ương Đảng, Tổng Bí thư Tô Lâm mâp măt 95 đại biểu ƀon lan Việt Nam gĭt blău ngăn n’hanh ăp nuĭh Khoa học bah nuĭh kan lŏ mir năm 2025 di nkah gĭt 95 năm Nar ndâk njêng Hội Nông dân Việt Nam.

Tổng Bí thư nkoch nău rhơn ta năp nuih n’hâm mĭn ƀư mhe, janh mĭn janh ƀư bah nuĭh ƀon lan Việt Nam, rgop n’hao prêh moh êng ndơ lŏ mir tâm dak nơm; lah rjăp, nuĭh ƀon lan an dơi gŭ ta nklang tâm nău kan hun hao lŏ mir, thôn ƀon n’hanh lah “nuĭh tahen hăn lor” ta măt trận rnă njrăng ndơ sông sa. Tổng Bí thư đă ntrôl ngăch kơt dŏng khoa học-công nghệ tâm nkra njêng, ndơ̆ nuĭh khoa học jŭr tâm lŏ mir, doanh nghiệp hăn ndrel đah ƀon lan tâm di trong ƀư, uĕh kah, n’hao joi tu tơm, đăp mpăn ndơ sông sa n’hanh tŏng ăp tâm di lam ntŭr neh, gay hun hao n’gâng lŏ mir mhe, nâp nâl.