Nkhêp bôk năm mhe, ôi 23/2, Tổng Bí thư Tô Lâm tât râng n’hanh ƀư tơm rơh mâp măt, mbah rhơn Tết cán bộ, công chức, viên chức, nuĭh kan Văn phòng Trung ương Đảng. Tổng Bí thư mpư rnê âk cán bộ bah Văn phòng hŏ râng na nê̆ ăp nău kan khlay tâm rnôk Tết Nguyên đán mhe aơ, tâm nê geh hăn pah kan bah kruanh rđău kan Đảng, Ngih dak ta Hoa Kỳ, rgop khlay tâm nău dơi bah trong hăn khâl, năl di tay nău khlay, ntŭk gŭ kan n’hanh săk tam pah kan nsŏng kơl, rhŏ dŏng tâm ăp nău kan tâm boh bah dih tâm trôm gưl têh.

Let năp tay, Tổng Bí Tô Lâm dăn đă Văn phòng Trung ương Đảng n’hanh ăp cán bộ, công chức ngăch lăp kan, mô an geh mbrơi nkai, tăch pruăt; đăp mpăn nău nthoi mbro, mbluh soih tâm nsŏng kơl, rhŏ dŏng Trung ương; nsrôih ƀư wat jêh ăp rnoh tât kan, nghị quyết bah Đại hội Đảng lam dak tâl 14, rgop tĭng ƀư geh nău dơi ăp rnoh tât kan têh jong bah Đảng.