Kêng măng 4/3, ta Hà Nội, Tổng Bí thư Tô Lâm pah kan đah Ban Tuyên giáo n’hanh Dân vận Trung ương mpeh wat jêh “Quy định mpeh pah kan chính trị, nău mĭn tâm Đảng”. Đề án hŏ dơi Bộ Chính trị n’gluh an dŏng, jao nhih pah kan ƀư tơm ƀư lôch jêh ăp tŏng gay hao rblang dăn tâm nchră tâl 2 Ban Chấp hành Trung ương Đảng khóa XIV.

Lôch djăt nău rgop, trong nchrăp hŏ năl kloh nău way, nkô̆ n’hanh nău dơn kan bah gưl ủy, mpôl kan đảng, cán bộ, đảng viên tâm pah kan chính trị, nău mĭn. N’glôch jêh rơh pah kan, Tổng Bí thư lah rjăp ntŭk gŭ kan khlay mha êng bah pah kan dja, ân hăn lor pơk trong ngăn, kan nsum lhăt đah rdâk mon n’hanh rdâng lơh, sŏk nău nsing nơm bah ƀon lan ƀư mâng weh dŭt têh; nkre weh ƀư trong tâm mbluh gay nău dơi pah kan rƀŏng nău mĭn jêng rnoh uănh năl, dăp ntil n’hanh mĭn uănh cán bộ.