Nar 30/7 ta Nhih pah kan Trung ương Đảng, Tổng Bí thư Tô Lâm ƀư tơm rơh pah kan đah Tiểu ban văn kiện, Rnâng kan ăp Tiểu ban Đại hội 14 bah Đảng n’hanh Ban rđău đă n’glôch jêh 40 năm rgâl mhe, gay wat jêh ăp siƀŭt njuăl sŏk nău rgop Đại hội Đảng bộ ăp gưl.

Tổng Bí thư njrăng đă, gay siƀŭt nchrăp lor săk geh âk, lah chông ŭnh sol trong tâm lam trong kan chính trị ri ăp tiểu ban ra uănh tay, kơi ntop, ƀư wat jêh. Lor nchrăp, mô kâp nău rgop ăp gưl ma ân way ƀư mbro an tât rnôk văn kiện Đại hội 14 bah Đảng dơi uănh an dŏng. Nkre nchrăp ăp dăp ăp tơm ndơ, ntŭk ntô, tơm prăk gay rlak tâm ban, kơp nđăp n’hanh ntrŏng năl moh nău kan ƀư lor, moh ndơ ƀư bah kơi. N’hanh ân mĭn tât nău đăp mpăn, nsĭt nău dơi, jŏ jong, nău mĭn lĕ năm kan. Tổng Bí thư Tô Lâm lah rjăp, ăp tiểu ban rgum bôk rngok gĭt blău gay wat jêh nău kan dơi jao gay nta trong dơh gay n’gâng kan 2 gưl ta ăp ntŭk n’hanh ăp nhih pah kan kan tay mbluh soih geh nău dơi./.