Ôi ntri (2/3), ta Nhih pah kan Trung ương Đảng, Tổng Bí thư Tô Lâm ƀư tơm rơh pah kan đah Ban Nội chính Trung ương n’hanh du đêt nhih pah kan geh tât gay djăt n’hanh an nău rgop mpeh Đề án “N’glôch jêh 20 năm tĭng ƀư Nghị quyết Trung ương 3 khóa X mpeh n’hao dăng nău rđău kan bah Đảng đah pah kan njrăng, n’gang sa khâm, mpŭng lir; hao rblang dăn Ban Chấp hành Trung ương mĭn uănh, n’gluh an dŏng Nghị quyết mpeh pah kan njrăng, n’gang sa khâm, mpŭng lir, tih djơh tâm rơh mhe”.

Lah n’glôch jêh ta rơh pah kan, Tổng Bí thư Tô Lâm lah rjăp, njrăng, n’gang sa khâm, mpŭng lir, tih djơh lah nău dơn kan khlay mha êng, way ƀư mbro, jŏ jong bah pah kan rdâk njêng, rmăn glêh Đảng n’hanh lam trong kan chính trị. Rôih dăng, rlăch ndăng nking nchăng, ntrôl rŭch sa khâm, mpŭng lir, tih djơh lah trong nchrăp, gung trong rloh rlău, dơn ngoăy bah Đảng, Ngih dak he. Jêng, nău n’gluh an dŏng Nghị quyết mpeh n’hao dăng nău rđău đă bah Đảng đah pah kan njrăng n’gang sa khâm mpŭng lir tih djơh tâm rơh mhe ta tâm nchră Trung ương 2 khóa XIV, lah rjăp tay nău uănh khlay mha êng bah Đảng, lah “nău mbơh” bah Đảng mpeh rôih dăng tay, ntrôl dăng pah kan rlăch ndăng “bu rkeh tâm trôm” tâm let năp tay đah nău mĭn, trong ƀư mhe.