Ôi 20/11 ta An Giang, Tổng Bí thư Tô Lâm, Bí thư Quân ủy Trung ương lĕ khâl n’hanh ƀĭt joet nar pah kan đah Bộ Tư lệnh Nkual Cảnh sát dak lêng 4 n’hanh cán bộ, tahen Nkual 5 Hải quân. Tổng Bí thư mĭn lah rmôt Cảnh sát dak lêng Nkual 4 lĕ ƀư kloh nău tơm rmôt vũ trang ƀon lan, rmôt chuyên trách bah Ngih dak, n’gâng tơm ƀư tĭng pháp luật n’hanh mât rnă njrăng, đăp mpăn ta dak lêng.

Ta năp nău đă mhe nar lơ âk tâm mât njrăng ƀư tơm, ƀư tơm nău dơi n’hanh nău dơi dun tay lam dak, Tổng Bí thư đă rmôt Cảnh sát dak lêng rgum ƀư 4 nău kan khlay, tâm nĕ lah rjăp nău mât uănh hô nău mĭn êng nơm, nău ntrŭnh tahen-mât njrăng bri dak bah Đảng; uănh khlay ntĭm nti chính trị, nău mĭn; ndâk njêng nău janh dăng n’hanh nuih n’hâm an cán bộ, tahen; mât nâp trong hăn, rdâk ƀư n’hanh nău rêh; dŭt n’hâm tĭng đah Đảng, Neh dak, nuĭh ƀon lan; rlet rlău jêr jŏt, nchrăp jêh uĕh ăp nău kan dơi jao.