Kêng măng 19/11, Tổng Bí thư Tô Lâm ndrel mpôl pah kan Trung ương hŏ khâl n’hanh pah kan ta đặc khu Thổ Châu, n’gor An Giang. Tổng Bí thư uănh năl, bol mhe njêng, rnoh nuĭh đêt, trôk nar mih sial khuch djơh, ntung trong đah ăp gôl dak hôm âk mpăng đêt, yơn Thổ Châu hôm gŭ ta ntŭk nsing têh khlay, mât njrăng nău đăp mpăn bah nkual dak lêng Tây Nam n’hanh n’har bri neh dak.

Lah rjăp rnoh khlay mpeh njrăng n’gang neh dak – rnă njrăng ndrel đah săk geh wăng sa, Tổng Bí thư dăn đă ăp gưl nsrôih rdâk njêng Thổ Châu jêng nkual dak lêng nâp djhư̆n, n’gâng tơm hun hao bah Việt Nam, đah nuih n’hâm “Muh duk rƀŏng mpeh dak lêng têh; mâp dak lêng, mât ƀon lan, mât đăp mpăn rngân uĕh neh dak”. Tổng Bí thư njrăng đă n’gor An Giang kan nsum đah ăp n’gâng kan, rdâk njêng dăp rgum hun hao nâp dăng; an ƀư lor ntung trong, nkual ƀon lan gŭ đăp mpăn; lơn lah mât chăm dak si, ntĭm nti, văn hóa gay nuĭh ƀon lan, cán bộ, tahen, kon se ta ntŭk gôl dak ngai.