Ôi 12/11, ta Hà Nội, Tổng Bí thư Tô Lâm râng n’hanh lah ta Lễ nkah ndray 80 năm N’gâng kan tuch tăm mât rong n’hanh ntŭk gŭ rêh neh ntu (1945-2025). Rlău pham rach năm aơ, n’gâng kan hŏ an năl dơi nău khlay tâm rnă ntêm ăp tŏng ndơ sa, mât njrăng tơm ndơ mpêt khlay, âk ntil ndơ gŭ rêh n’hanh đăp mpăn joi geh trong wăng sa an bar pe jât rkeh rnăk ƀon lan.

Ntơm bah mô tŏng sa, Việt Nam hŏ jêng  dak tăch n’gluh ndơ tuch tăm dâk bôk năp lam ntŭr neh. Ntơh măt kruanh rđău kan Đảng, Ngih dak, Tổng Bí thư ntăm an Huân chương Lao động hạng Nhất an Bộ Nông nghiệp n’hanh Môi trường, mpư rnê ăp nău dơi ntoh lư, lah rjăp n’gâng kan lah n’gâng tơm bah jâng wăng sa n’hanh jâng nsing hun hao nâp dăng. Tổng Bí thư dăn đă lam n’gâng kan rgâl mhe tay nău mĭn, dâk kan lĕ n’hâm suan lơn, ơm tĭng jêng ngăn ngăn trong nchrăp bah Đảng mpeh tuch tăm mât rong, ƀon lan kan lŏ mir, thôn ƀon; mât tơm ndơ mpêt khlay, mât njrăng ntŭk gŭ rêh neh ntu, rdâng lơh đah rgâl trôk nar n’hâm sial, rgop tĭng ƀư geh nău dơi Nghị quyết Đại hội XIV bah Đảng.