Ôi 17/11, ta Hà Nội, Thanh tra Chính phủ ƀư Nkah ndray 80 năm Nar way ơm Thanh tra Việt Nam (23/11/1945- 23/11/2025). Lah ta rơh lễ, Tổng Bí thư Tô Lâm lah rjăp, ntŭk geh pah kan thanh tra, ta nê nău way jăp dơi njêng, nău nsing nơm dơi rdâk tay, pháp luật dơi mŭt uănh khlay. Nê lah nău n’hao êng săk bah 80 năm lịch sử – 80 năm năl di han săk, bôk rngok gĭt blău, nău du nuih n’hâm tĭng, lĕ n’hâm suan bah rmôt cán bộ thanh tra đah Đảng, Ngih dak n’hanh ƀon lan.

Tổng Bí thư nkre lah rjăp, thanh tra aƀaơ mô dơn lah ndơ dŏng an ban saơ nău tih, ma hôm lah trong nta jêng nău kloh rvah, ntrŭt ntrôl rgâl mhe, mât njrăng nău đăp mpăn n’hanh nău nsing nơm nău rêh. Đah trong uănh nê, Tổng Bí thư lah rjăp, n’gâng kan Thanh tra ân rgâl mhe tay lam lĕ rngôch, têh dăng mhe, nkre đah pah kan thanh tra đah nău ŭch tât hun hao, ndơ̆ ƀon lan tâm rgum  tơm bah ăp nău kan, rƀŏng tât rdâk  njêng du njăr trong hăn kloh rvah, geh nău dơi, yor an ƀon lan, rhŏ dŏng an ƀon lan.