Ôi 6/10, ta Hà Nội ƀư ntơm pơk Tâm nchră tâl 13 Ban Chấp hành Trung ương Đảng khoá 13. Lah ta rnôk ntơm pơk tâm nchră, Tổng Bí thư Tô Lâm rƀŏng 2 rmôt nkô̆ nău gay Trung ương gŭ mĭn, rgop nău. Mpeh pah kan nchrăp Đại hội tâl XIV bah Đảng, Tổng Bí thư lah kloh, ta Tâm nchră dja, Bộ Chính trị mbơh Trung ương an nău rgop đah siƀŭt mbơh rblang mpeh lôch jêh n’hanh trong mbơh săk nuĭh râng Ban chấp hành Trung ương khóa XIV, râng Ủy viên Ủy ban kiểm tra Trung ương khóa XIV n’hanh ƀư sŏk phiếu n’hơr ti mbơh săk nuĭh Ban chấp hành Trung ương, Ủy Ban kiểm tra Trung ương tĭng quy định.

Lah rjăp, aơ lah nău kan “êng uănh khlay”, “n’gâng sơn bah n’gâng sơn”, lah ndơ n’glêh an tât geh nău dơi bah Đại hội XIV bah Đảng n’hanh nău hun hao bah neh dak tâm rơh mhe, Tổng Bí thư Tô Lâm dăn đă rnôk sơch mbơh săk nuĭh kan ân nsing tâm nău tŏng di, ndơ nkol, dăp rgum, rnoh âk nuĭh tĭng trong rƀŏng pah kan nchrăp nuĭh kan Đại hội XIV bah Đảng n’hanh ăp qui định geh tât. Ân ndơ̆ nău geh bah Đảng, bah neh dak, rnoi nuĭh dâk bôk năp; ân rlak tâm ban, rnoh di n’hanh dăp rgum; đah nđơn tay, đăp mpăn n’hanh hun hao; đah nău âk geh n’hanh nău mha êng; đah chuyên môn ntĭm nti n’hanh nău way blău kan ngăn ngăn; đah nsing nơm, nău tă ơm gĭt pah kan n’hanh trong rƀŏng hun hao; tâm nê êng uănh khlay săk blău kan, nsĭt geh nău dơi, ndơ geh ƀư pah kan, nău n’groh an bah cán bộ gay ƀư ntŭk nsing, mâng weh tâm rnôk sơch.