Ôi 2/9, ta Ngih Trung ương Đảng, Tổng Bí thư Tô Lâm lĕ rgum ôp Tổng Bí thư, Kruanh dak Lào Thongloun Sisoulith nkhêp di hăn Việt Nam râng ƀư nkah gĭt 80 năm Cách mạng khay 8 n’hanh Quốc khánh 2/9.

Đồng chí Thongloun Sisoulith mbah rhơn n’hanh lah rjăp đah nău rđău uĕh, gĭt blău bah Đảng Cộng sản Việt Nam, tâm lôch 95 năm bah năp n’hanh 80 năm ndâk njêng neh dak, Việt Nam lĕ geh âk nău têh kuăng, ntoh lư n’hanh lĕ rngôch mpeh rgâl mhe, đăp mpăn chính trị, hun hao wăng sa ngăch n’hanh nâp nâl, pơk hvi tâm boh nchră nău bah dih, nău ƀư n’hanh ntŭk gŭ lam ntŭr neh bah Việt Nam mô rlu dơi n’hao ta nkual n’hanh ta lam ntŭr neh; an aơ lah nău nti khlay gay Lào nsrôih, hun hao n’hanh ndâk njêng neh dak. 2 kruanh mĭn lah n’hao tâm rgop nău mĭn êng, pơk hvi rgum lăp lam ntŭr neh, đăp mpăn rnă njrăng, rhŏ an hun hao n’hanh nău geh bah nuĭh ƀon lan 2 dak. Tĭng n’gâng tơm way ơm khlay, 2 dak mbra n’hao tâm rgop tâm rnôk rgum lăp lam ntŭr neh, yor đăp mpăn, kan ndrel n’hanh hun hao tâm nkual n’hanh ta lam ntŭr neh.