Tổng Bí thư Tô Lâm mpơl nău rhơn geh mâp tay wa Tony Blair, rnê âk ăp nău nsrôih bâh wa Tony Blair ta nău kan Thủ tướng dak Anh ntơm nơh lĕ geh kơt kruanh Viện Tony Blair aƀaơ lĕ ntop nău kan ntrôl nău tâm boh Việt Nam- Anh. Tổng Bí thư Tô Lâm lah na nê̆ Việt Nam uănh khlăy ntrôl nău tâm boh kan ndrel tơm đah dak Anh, tâm nĕ uănh nău tâm kơl mpeh rgâl mhe rnoh mbrô, ŭnh nar mhe njêng, rgâl mhe mĭn kan n’hanh mât uănh nău kan nsum lah ăp nău kan tơm khlăy tâm kơl khlăy, ntop ndŏ nău tâm boh kan 2 dak hun hao ngăn ngên, săk rnglăy n’hanh nâp nâl tâm rơh rach năm mhe. Tổng Bí thư đă Viện Tony Blair an geh lah ntung njŏ ntrôl nău tâm kơl đah ăp n’gâng kan, ntŭk kan, doanh nghiệp, ntŭk kan mĭn uănh n’hanh ăp ngih nti đại học 2 dak, ngăn lah ta trong kan chính phủ rnoh mbrô, wăng sa mbrô, hun hao nâp nâl, ŭnh nar kloh ueh, ntĭm nti n’hanh dak si.