Ôi lơ 9/10, ta Bình Nhưỡng, jêh rnôk vơt ngăn, Tổng Bí thư Tô Lâm hŏ geh rơh tâm nchră ma Tổng Bí thư, Kruanh Quốc vụ Triều Tiên Kim Jong Un tâm ntŭk kan Trung ương Đảng Lao động Triều Tiên. Tâm rnôk tâm nchră, bar rđau kan hŏ tâm nchră rgum nau geh bah ăp dak, tâm boh Việt Nam-Triều Tiên ndrel ăp nau kan bah lam ntur neh, nkuăl ndrel uănh khlay. Bar ding tâm ban nau n’hao tâm nchră gưl prêh ndrel ăp gưl tâm ăp ntrong kan bah Đảng, Ngih dak, Chính phủ, Quốc hội, tâm boh n’gor ân geh nau n’hao tâm pă mbơh nau blau kan, ƀư nâp nau tâm rnơm chính trị ndrel tâm gĭt rbăng, mât ân tam ăp nau kan tâm nchră ndrel tâm boh, mĭn nau dơi tâm boh tâm ăp nau kan tâm di, ntrŭt dăng tâm n’ur ƀon lan, ƀư rjăp nau tâm boh kan nsum đah bar dak.

Tổng Bí thư, Kruanh Quốc vụ Kim Jong Un lah rjăp, Triều Tiên ŭch tâm boh rjăp ma Việt Nam tâm nau ndâk Đảng ndrel hun hao neh dak, mra ntrŭt dăng tâm boh tâm ăp nau kan tâm di. Bar rđau kan hŏ tâm nchră nau kan tâm nkuăl ndrel lam ntur neh, tâm ban n’hao tâm boh, tâm kơl nsum ndrel tâm pă mbơh ăp nau kan tâm ăp rnôk tâm nchră âk ding kơt Liên hợp quốc, tâm nchră nkuăl ndrel ASEAN./.