Tổng Bí thư lah na nê̆, lôch 66 năm ƀư tĭng nău ntĭm nti bâh Kruanh Hồ Chí Minh, Tết tăm tơm si lĕ jêng nău way ueh, ntop ƀư rgâl nău rêh bâh neh dak, rgâl mhe ueh ntŭk gŭ rêh n’hanh n’hao nău ueh rêh bâh ƀon lan. Tăm tay du ntil tơm si lah njoăl tay du nău knơm tâm nău rêh let năp tay an geh hun hao nâp nâp. Lah na nê̆ nău mĭn lĕ rngôch bâh Đảng n’hanh Ngih dak lah hun hao wăng sa mô ƀư khuch ntŭk gŭ rêh, rdâk njêng nkuăl ƀon têh ueh mhe yơn an geh mât ueh nđir, Tổng Bí thư đă Thủ đô an geh der ƀư dơm an geh, bah ir mpŭng lir, mât đăp mpăn “Tăm an geh mât, an tơm nĕ rêh”. Nău tăm tơm si an ndrel đah nău nchrăp kan na nê̆, mât jŏ jong, tâm ban đah nău hun hao ndơ dŏng nkuăl ƀon têh ueh nđir, ueh mhe. Tĭng nău nchrăp, tât dŭt khay 3, Hà Nội nsrôih tăm 80 rbăn tât 100 rbăn tơm si nđir n’hanh klâp ma 400 rbăn tom si tâm lĕ năm 2026.